उपमुख्यमंत्री एकनाथ शिंदे यांची सभा ऐतिहासिक होणार:: सुरेखा टाले

सुरेखा शेवाळे यांचे लाडक्या बहिणींना,शेतकरी, युवकांना आवाहन; खासदार संजय जाधव यांच्या आयोजनाने सभेकडे जिल्ह्याचे लक्ष

जिंतूर :परभणी जिल्ह्यातील राजकीय वातावरण आगामी भव्य सभेमुळे चांगलेच तापले असून, रविवार, ३० ऑगस्ट रोजी सकाळी ११ वाजता परभणी येथील स्टेडियम मैदानावर राज्याचे उपमुख्यमंत्री एकनाथ शिंदे यांच्या प्रमुख उपस्थितीत शेतकरी, युवा आणि लाडक्या बहिणींची भव्य संवाद सभा आयोजित करण्यात आली आहे. या सभेला परभणी जिल्ह्यातील महिला, शेतकरी आणि युवकांनी लाखोंच्या संख्येने उपस्थित राहून सभेची ताकद दाखवावी, असे आवाहन सुरेखा शेवाळे यांनी केले आहे.

या भव्य सभेचे आयोजन परभणीचे खासदार संजय जाधव यांच्या पुढाकारातून करण्यात आले आहे. त्यामुळे या सभेकडे संपूर्ण जिल्ह्याचे लक्ष लागले असून, सभेसाठी मोठ्या प्रमाणात जनसंपर्क आणि तयारी सुरू असल्याचे चित्र आहे.

लाडक्या बहिणींनी इतिहास घडविणाऱ्या संख्येने यावे

महिलांना आवाहन करताना सुरेखा शेवाळे म्हणाल्या की, “परभणी जिल्ह्यातील प्रत्येक लाडक्या बहिणीने ३० ऑगस्ट रोजी स्टेडियम मैदानावर उपस्थित राहावे. आपल्या प्रश्नांवर, अपेक्षांवर आणि भविष्यासंदर्भातील विषयांवर संवाद साधण्यासाठी ही महत्त्वाची सभा आहे. त्यामुळे महिलांनी मोठ्या संख्येने उपस्थित राहून आपली ताकद दाखवावी.”

शेतकऱ्यांच्या प्रश्नांवर होणार संवाद

परभणी जिल्ह्यातील शेतकरी विविध अडचणींचा सामना करत आहेत. शेतीमालाला भाव, पीकविमा, सिंचन, कर्ज, नैसर्गिक आपत्ती आणि शेतीच्या वाढत्या खर्चासह विविध प्रश्नांवर शेतकरी वर्गामध्ये मोठी चर्चा आहे. या पार्श्वभूमीवर उपमुख्यमंत्री एकनाथ शिंदे यांच्या उपस्थितीत होणाऱ्या संवाद सभेला विशेष महत्त्व प्राप्त झाले आहे.

युवकांच्या अपेक्षांकडेही लक्ष

रोजगार, शिक्षण, कौशल्य विकास, उद्योग आणि रोजगाराच्या नव्या संधी हे युवकांसमोरील महत्त्वाचे प्रश्न आहेत. त्यामुळे शेतकऱ्यांसोबतच जिल्ह्यातील युवकांचाही या संवाद सभेत मोठ्या संख्येने सहभाग अपेक्षित आहे.

सभेसाठी जोरदार तयारी

स्टेडियम मैदानावर होणाऱ्या या सभेसाठी आयोजकांकडून जोरदार तयारी करण्यात येत आहे. जिल्ह्यातील विविध तालुक्यांतून महिला, शेतकरी आणि युवकांना सभेसाठी आणण्यासाठी नियोजन केले जात असून, कार्यकर्त्यांकडून गावोगावी जनसंपर्क सुरू आहे.

३० ऑगस्ट रोजी सकाळी ११ वाजता स्टेडियम मैदानावर होणारी ही सभा केवळ संवादाची नव्हे, तर मोठ्या जनशक्तीच्या उपस्थितीची साक्ष देणारी ठरणार असल्याचा विश्वास सुरेखा शेवाळे यांनी व्यक्त केला.लाडक्या बहिणींनो, शेतकरी बांधवांनो आणि युवकांनो—३० ऑगस्टला परभणीच्या स्टेडियम मैदानावर मोठ्या संख्येने उपस्थित राहा आणि ही सभा ऐतिहासिक बनवा,” असे आवाहन सुरेखा शेवाळे यांनी केले आहे.